ASOCIACIÓN
"AMIGOS DA TERRA DE MONTES"
Beariz
Cerdedo
Forcarei

"O futuro da terra de montes é algo que envolve a todos, con proxectos ben feitos, vontade política e aforros (M.D.R)"

 


 

 

BENVIDA Á WEB DA ASOCIACIÓN "AMIGOS DA TERRA DE MONTES"

 

SAÚDO DO PRESIDENTE

Dentro do marco actual no que nos atopamos, no que a aldea global macluhaniana impera no mundo, como Presidente da Asociación “Amigos da Terra de Montes” teño a sorte de darvos a benvida a este espazo virtual www.webterrademontes.com Un espazo e lugar de encontro de necesaria creación debido á evolución das Tecnoloxías da Información e Comunicación, grazas ás cales naceron maiores posibilidades de comunicación entre as persoas.

A través desta Web -aberta a todos os cibernautas- esperamos amosar o espírito plural, tolerante e traballador de todos os pobos que integran a Terra de Montes, así como a súa riqueza patrimonial e cultural. Ademais, a través dun simple clic, a cidadanía do mundo natural desta xurisdición histórica pode regresar ás súas orixes recorrendo quilómetros en segundos.

Dende esta Asociación que unha vez máis me honro en presidir , manifesto a miña dispoñibilidade ao fomento dos lazos de amizade e solidariedade, con apertura a todas as persoas. Aos emigrantes, aos veciños e veciñas da Terra de Montes, aos que naceron nela e aos seus descendentes e, aos que verdadeiramente se consideren amantes e simpatizantes das súas aldeas e parroquias, sen ningún tipo de discriminación. Cómpre conservar, desenvolver e divulgar a nosa cultura e o noso patrimonio, integrándoos á súa vez no actual proceso de modernización e diversificación económica, coa finalidade de acadar maiores cotas de benestar sociocultural entre os habitantes da comarca. Falar dos intereses comúns: a defensa da nosa identidade, o que nos une que é moito, a idiosincrasia propia, a busca do progreso e do benestar, a recuperación da poboación, orixes, costumes, lendas, cultura e historia da nosa comunidade “Terra Montium”… Por todo isto e máis, convídovos a que nos fagades chegar as vosas suxestións e inquedanzas, coa finalidade de poder traballar nelas e transformar este espazo de comunicación e diálogo nunha ferramenta de utilidade para todas e todos os que nos visiten.

 

José Raposeiras Correa

Non quero despedirme sen antes agradecer o traballo feito por outras Xuntas Directivas ao longo dos xa máis de trinta e sete anos. Dun xeito especial manifesto a miña gratitude ao Presidente fundador desta Páxina Web -D. Jaime Iglesias Cendón- polo moito e extraordinario traballo que desenvolveu así como polo seu empeño e interese para que continuemos conservándoa, manténdoa, actualizándoa e a ser posible mellorándoa. Sen esta e outras moitas persoas que traballaron arreo e desinteresadamente pola Asociación, sería difícil asimilar as liñas de actuación que a nova e ilusionante Xunta Directiva actual pretende levar a cabo.

 

Un cordial saúdo e moitas grazas pola vosa visita.

 

 

 

 

 

O Presidente

Aso.: José Raposeiras Correa

Soutelo de Montes, a 23 de decembro de 2019

O Presidente

José Raposeiras Correa

 

 

Última actualización Diciembre de 2019

Desarrollado por Saro Rodriguez Programación y Hardware

 

www.sarorodriguez.com

sarorodriguez@mundo-r.com